Drejtoria Juridike

Sigurimi i asistencës ligjore dhe juridike brenda kuadrit ligjor në fuqi, për njohjen më të mirë dhe interpretimin e legjislacionit nga strukturat e EKB-së.

• Kontribuon në hartimin e akteve normative dhe udhëzimeve të brendshme, që rregullojnë veprimtarinë e EKB-së, në bashkëpunim me drejtoritë në Drejtorinë e Përgjithshme të EKB, në mbështetje të dispozitave ligjore në fuqi.
• Harton në bashkëpunim me Drejtoritë/Sektoret e tjerë kontratat dhe aktmarrëveshjeve të bashkëpunimit, që EKB lidh me subjekte juridike e fizike, vendase e të huaja, në përputhje me aktet ligjore e nënligjore në fuqi.
• Harton dhe përgatit në bashkëpunim me Sektorin e Prokurimeve tipe të kontratave që kanë të bëjnë me këtë sektor.
• Konfirmon korrespodencën shkresore dalëse të institucionit me qëllim zbatimin me korrektesi të legjislacionit në fuqi.
• Trajton dhe zgjidh, brenda kuadrit të kompetencave, kërkesat dhe ankesat e qytetarëve që i adresohen institucionin.
• Bashkëpunon dhe koordinon punën me struktura të Drejtorisë së Përgjithshme të EKB-së dhe Ministrinë përgjegjëse për strehimin, për përgatitjen e propozimeve mbi ndryshimet në aktet ligjore e nënligjore në fuqi, mbi të cilat mbështetet veprimtaria e EKB-së, me qëllim përmirësimin dhe plotësimin e tyre.
• Ndjek zbatimin e procedurave të hartimit të akteve administrative, të urdhrave dhe akteve që nxjerr EKB gjatë ushtrimit të veprimtarisë institucionale.
• Përfaqëson me autorizim të Drejtorit të Përgjithshëm, Drejtorinë e Përgjithshme të EKB-së (në raste specifike edhe degët rajonale), në proceset gjyqësore ku EKB është apo bëhet palë në gjykim dhe ndjek shkallët përkatëse të gjykimeve civile. Jep konsulencën e duhur ligjore për ndjekjen e proceseve gjyqësore në rastet kur kërkohet nga degët rajonale.
• Ndjek procedurat në zbatim të akteve ligjore dhe nënligjore në fuqi, lidhur me lirimin e banesave pronarëve të ligjshëm nga qytetarët e pastrehë, banues në banesat ish pronë e subjekteve të shpronësuara, trajtimin me strehim nëpërmjet kreditimit me kushte lehtësuese nga shteti të këtyre qytetarëve (kredi me 0% interes në vit).
• Bashkëpunon me Drejtorinë Ekonomike lidhur me ecurinë e procesit të subvebcionimit të kredive me kushte lehtësuese të akorduara nëpërmjet buxhetit të shtetit.
• Ndjek procesin dhe kontribuon në punën për zbatimin rigoroz të procedurave ligjore të prokurimeve publike që zhvillohen në institucion, përkatësisht të ligjit nr.162/2020 “Për Prokurimin Publik” i ndryshuar dhe VKM nr.285/2021 “Për Miratimin e Rregullave të Prokurimit Publik”, i ndryshuar.
• Siguron të dhënat e nevojshme nëpërmjet Programit Ekonomik të miratuar dhe kërkesave të strukturave përkatëse në institucion dhe së bashku me anëtarët e tjerë të njësisë së prokurimit, përgatit regjistrin e parashikimit dhe regjistrin e realizimit të procedurave të prokurimit publik.

Drejtoria Juridike (1+7)

• Drejtor i Drejtorisë Juridike
• Specialist për harmonizimin e legjislacionit
• Specialist për ndjekjen e proceseve gjyqësore
• Specialist për ndjekjen e proceseve gjyqësore dhe Sekretar i Këshillit Drejtues
• Specialist për aktet rregullatore

Struktura në varësi

Sektori i Prokurimeve (1+2)

• Përgjegjësi i sektorit të prokurimit
• Specialist i prokurimeve
• Specialist i prokurimeve

Email: info@ekb.gov.al

Tel: +355 42 227 796