Drejtoria Teknike

Drejtoria Teknike

SOKOL QEHAJAJ – DREJTOR I DREJTORISË TEKNIKE

Sokol Qehajaj është i arsimuar në Inxhinieri Ndërtimi që prej vitit 1996, me mbi 20 vite eksperiencë në sektorin publik dhe atë të ndërtimit. Karriera e tij ka përfshirë pozicione të rëndësishme si specialist dhe më pas drejtor rajonal në IKMT, si dhe drejtimin e inspektimeve të veprave të mëdha pranë Bashkisë Tiranë.

Në vitin 2008 ka përfunduar gjithashtu studimet universitare në Fakultetin e Drejtësisë, duke zgjeruar profilin profesional në fushën ligjore. Është i certifikuar në vlerësimin e pasurive (2020) dhe në performancën e energjisë (2024).

Në vitin 2025 iu bashkua ekipit të Entit Kombëtar të Banesave, ku ushtron detyrën si Drejtor Teknik, duke kontribuar me ekspertizë të thelluar teknike dhe menaxheriale në projektet kombëtare të banesave.

Kontakt: Sokol.Qehajaj@ekb.gov.al

Misioni

Drejtoria Teknike trajton probleme të sferës teknike të ndërtimit, është përgjegjëse për sigurimin e projekteve sipas normativave shtetërore dhe sigurimin e shesheve të ndërtimit në bashkëpunim me njësitë e vetëqeverisjes vendore.

Funksioni

    • Sigurimi i projekteve sipas normativave shtetërore dhe sigurimin e shesheve të ndërtimit në bashkëpunim me njësitë e vetëqeverisjes vendore.
    • Përshtatja e plan vendosjes së objekteve referuar kërkesave të reja sipas shesheve të vëna në dispozicion.
    • Ndjek dhe monitoron zbatimin e kontratave të sipërmarrjes/mbikëqyrjes.
    • Ndjek procesin e kolaudimit të objekteve të përfunduara në vlerë, afat dhe cilësi deri në marrjen në dorëzim të tyre në mbështetje të Udhëzimit nr. 3, datë 15.02.2001 të Këshillit të Ministrave “Për mbikëqyrjen dhe kolaudimin e punimeve të ndërtimit”, i ndryshuar.
    • Analizon dhe llogarit koston e ndërtimit për tipologji të ndryshme banesash, studion tregun e banesave dhe propozon metodologjinë për llogaritjen e çmimit mesatar të shitblerjeve në treg për çdo vit.
    • Në bashkëpunim me Drejtoritë e tjera, harton studime fizibiliteti për projektet e reja.
    • Studion normat e projektimit dhe propozon standardet e projektimit të banesave që ndërtohen nga EKB-ja.
    • Ndjek në vazhdimësi procesin e ndërtimit të banesave deri në hipotekimin e plotë të tyre.
    • Kryen procedurat lidhur me zbatimin e akteve ligjore dhe nënligjore në fuqi, për trajtimin me kredi me 0% interes të qytetarëve qiramarrës në ish pronë private, në rast se është pjesë e komisionit.

Struktura

Drejtoria Teknike (1+5)

        • Drejtor i Drejtorisë Teknike
        • Specialist i zhvillimit të projekteve teknike
        • Specialist për çmimet dhe koston (2)
        • Specialist për monitorimin e mbikëqyrjes dhe kolaudimit të punimeve ndërtimore (2)

Kontakt

Email: info@ekb.gov.al

Tel: +355 42 227 796