Lloji i kontratës: Kontratë pune me afat të caktuar
________________________________________
Titulli i pozicionit: ‘‘Specialist i Sektorit të Auditimit’’
________________________________________
Drejtoria/Dega: Drejtoria e Përgjithshme EKB
________________________________________
Vendndodhja: Qyteti Tiranë
________________________________________
Periudha e njoftimit: 15 ditë (22.01.2019-06.02.2019)
________________________________________
Principet e Entit Kombëtar të Banesave
Integritet, Profesionalizëm, Përgjegjshmëri, Respekt për Diversitetet
Informacion i përgjithshëm
Enti Kombëtar i Banesave është institucion me vetëfinancim, në varësi të Ministrisë së Financave dhe Ekonomisë, i pajisur me personalitet juridik, i krijuar për një kohëzgjatje të pacaktuar me Vendim të Këshillit të Ministrave nr.198, datë 04.05.1993, “Për krijimin e Entit Kombëtar të Banesave”.
Përgjegjësitë e vendit të punës
1. Ushtron aktivitetin e auditimit në përpthje me programin vjetor të miratuar nga Këshilli Drejtues i EKB-së, në zbatim të ligjit nr.114/2015 “Për Auditimin e Brendshëm në Sektorin Publik”, ë Manualit të Auditimit të Brendshëm/2016 dhe sipas akteve ligjore e nënligjore, që lidhen me veprimtarinë e EKB-së.
2. Merr pjesë në përgatitjen e programeve të punës në përputhje me programin vjetor të auditimit, (programe të kombinuara, të përputhshmërisë, performancës etj), dhe përpilon praktikën dokumentare për objektin e audituar, sipas ligjit nr.114/2015 “Për Auditimin e Brendshëm në Sektorin Publik” dhe Manualin e Auditimit të Brendshëm.
3. Merr nga punonjësit e subjektit të audituar për rastet kur gjykohen të nevojshme shpjegime, deklarata dhe fotokopje të dokumenteve dhe materialeve të përcjella në formë elektronike që kanë lidhje me auditimin.
4. I jep rekomandime subjektit të audituar për ndreqjen e parregullsive, propozon masa në rastet e dëmeve ekonomike dhe financiare për zhdëmtimin e tyre dhe propozon zgjidhje për pakësimin e mundësisë së përsëritjes të këtyre rasteve.
5. Ndjek rekomandimet që rezultojnë nga auditimi i kryer.
6. Merr pjesë në mbledhjen , seminare dhe në trajnimin e vijueshëm profesional të auditesve të brendshëm të organizuara nga Drejtoria e Harmonizimit të Kontrollit të Brendshëm në Ministrinë e Financave, sipas nenit 20 të ligjit nr.114/2015 “Për Auditimin e Brendshëm në Sektorin Publik”.
7. Në funksionin e kryerjes së veprimtarisë së Sektorit të Auditimit angazhohet nga përgjegjësi i këtij sektori dhe me detyra të tjera specifike.
8. Kryen cdo detyrë tjetër që i ngarkohet nga Këshilli Drejtues dhe Drejtori i Përgjithshëm i EKB-së.
Edukimi
Arsim i lartë “Shkenca Ekonomike”.
Lloji diplomës: DNP (Diplomë e nivelit të parë) + Master, ose DIND (Diplomë e integruar e nivelit të dytë), si dhe diploma të barasvlemshme me to, sipas Ligjit të Arsimit në fuqi.
Eksperienca në punë
Të ketë eksperiencë pune jo më pak se 3 (tre) vite, në profesion.
Gjuhët e huaja
Për këtë vend pune nuk kërkohet domosdoshmërisht njohja e një gjuhe të huaj.
Dokumentet
Aplikimet janë të vlefshme kur përmbajnë dokumentet e kërkuara nga punëdhënësi dhe që janë dërguar nëpërmjet postës elektronike në adresën zyrtare (info@ekb.gov.al) ose me anë të postës zyrtare (me protokoll).
Aplikimi përmban:
1. Kërkesë për aplikim.
2. Curriculum Vitae, sipas formatit tip (shkarko formularin 
Ploteso Curriculum Vitae).
3. Diplomë e arsimit të lartë( fotokopje e noterizuar)
4. Listë notash (fotokopje e noterizuar)
5. Librezë pune ose libreze e sigurimeve shoqerore
6. Kartë identiteti,
7. Çertifikatë famljare
8. Dëshmi penaliteti, (e përditësuar tre muajt e fundit)
9. Raport mjeko-ligjor.
10. Dëshmi kualifikuese.
11. Dy referenca nga punëdhësit e mëparshëm.
Mënyra e vlerësimit
Drejtori i Përgjithshëm ngre një komision të përbërë nga tre anëtarë. Komisioni shqyrton aplikimet sipas kritereve të përcaktuara më parë dhe përzgjedh jo më shumë se tre kandidatura që vlerësohen më të përshtatshme.
Drejtori i Përgjithshëm përzgjedh mes alternativave kandidaturën më të vlefshme.