Lloji i kontratës: Kontratë pune me afat të pacaktuar
Titulli i pozicionit: Specialist Finance
Drejtoria/Dega: Dega Rajonale EKB Vlorë
Vendndodhja: Qyteti Vlorë
Periudha e njoftimit: 15 ditë (20.06. 2018 -05.07. 2018 )
Principet e Entit Kombëtar të Baneasve
Integritet, Profesionalizëm, Përgjegjshmëri, Respekt për Diversitetet
Informacion i përgjithshëm
Enti Kombëtar i Banesave është institucion me vetëfinancim, në varësi të Ministrisë së Financave dhe Ekonomisë, i pajisur me personalitet juridik, i krijuar për një kohëzgjatje të pacaktuar me Vendim të Këshillit të Ministrave nr.198, datë 04.05.1993, “Për krijimin e Entit Kombëtar të Banesave”.
Përgjegjësitë e vendit të punës
Specialisti Financier pranë Degës Rajonale ka një varësi direkte dhe raporton te Drejtori i Degës Rajonale.
Specialisti Financier ka këto përgjegjësi:
- Specialisti i financës përgjigjet për mbajtjen e kontabilitetit, sipas ligjit nr. 9228, datë 29.04.2004 “Për kontabilitetin dhe pasqyrat financiare”, i ndryshuar, dhe Standardeve Kombëtare të Kontabilitetit.
- Sipas afateve të përcaktuara kryen përgatitjen e bilanceve financiare periodike dhe vjetore, sipas kërkesave të ligjit mbi kontabilitetin, për aktivitetin e vitit ushtrimor të degës rajonale.
- Organizon, kontrollon dhe ndjek llogaritë analitike të debitorëve, për arkëtimet e detyrimeve që kanë të tretët ndaj degës rajonale, si dhe të likuidimeve ndaj të tretëve për shërbimet e kryera prej tyre.
- Ndjek me specialistin e shitjes ditarin e shitjeve sipas kontratave të lidhura, duke rakorduar pagesat e kryera në bankë, sipas planit të pagesave të klientëve. Ky ditar duhet të jetë i analizuar në kartela të veçanta për çdo objekt ose banesë të shitur, ku kalkulohet kostoja për pjesën e arkëtuar dhe të ardhurat nga shitja.
- Ndjek së bashku me specialistin e statistikës dhe kredive kreditorët e parregullt dhe kontaktimin e tyre në bazë të manualit “Politikat dhe procedurat e menaxhimit te debitorëve”.
- Përgjigjet për administrimin e pasurisë së degës rajonale dhe përgatit së bashku me drejtorin dhe specialistin e shitjes së degës rajonale analizën e treguesve ekonomikë dhe financiarë.
- Në fund të çdo muaji për këstet dhë arkëtimet e tjera nga shitja me pagesë të menjëherëshme, harton pasqyrën përmbledhëse të arkëtimeve dhe kryen xhirimine të ardhurave nga shitja në favor të Drejtorise së Përgjithshme të EKB-së.
- Brenda dates 10 (dhjetw) të muajit pasardhës raporton të gjithë treguesit ekonomikë dhe financiarë që kërkohen nga Drejtoria e Përgjithshme, evidencat e meposhtëme
- evidencën për realizimin e të ardhurave,
- evidencën për realizimin e shpenzimeve,
- evidencën mbi numrin e punonjësve dhe fondin e pagave,
- evidencën e shitjes së apartamenteve sipas burimeve të financimit,
- evidencën e kthimit të kredisë sipas fondeve të financimit,
- evidencën e kthimit të kredisë për klientët debitorë sipas fondeve të financimit,
- evidencën e realizimit të arkëtimeve nga shitja, mujore dhe progresive,
- evidencën e databazës së klientëve dhe debitorëve.
- Merr pjesë në grupe të ndryshëm pune që ngrihen nga Drejtori i Përgjithshëm
- Në funksion të kryerjes së veprimtarisë së degës angazhohet nga drejtori i kësaj dege dhe drejtori i Drejtorisë Ekonomike edhe me detyra të tjera specifike.
- Kryen çdo detyrë tjetër që i ngarkon Drejtori i Përgjithshëm i EKB-së.
Edukimi
Arsim i lartë “Ekonomik Financë”.
Lloji diplomës: DNP (Diplomë e nivelit të parë) + Master, ose DIND (Diplomë e integruar e nivelit të dytë), si dhe diploma të barasvlemshme me to, sipas Ligjit të Arsimit në fuqi.
Eksperienca në punë
Të ketë eksperiencë pune jo më pak se 5 (pesë) vite, ne profilin Financier
Gjuhët e huaja
Për këtë vend pune nuk kërkohet domosdoshmërisht njohja e një gjuhe të huaj.
Dokumentet
Aplikimet janë të vlefshme kur përmbajnë dokumentet e kërkuara nga punëdhënësi dhe që janë dërguar nëpërmjet postës elektronike në adresën zyrtare (info@ekb.gov.al) ose me anë të postës zyrtare (me protokoll).
Aplikimi përmban:
- Kërkesë për aplikim.
- Curriculum Vitae, sipas formatit tip (shkarko formularin
Ploteso Curriculum Vitae). - Diplomë e arsimit të lartë( fotokopje e noterizuar)
- Listë notash (fotokopje e noterizuar)
- Librezë pune ose libreze e sigurimeve shoqerore
- Kartë identiteti,
- Çertifikatë famljare
- Dëshmi penaliteti, (e përditësuar tre muajt e fundit)
- Raport mjeko-ligjor.
- Dëshmi kualifikuese.
- Dy referenca nga punëdhësit e mëparshëm.
Mënyra e vlerësimit
Drejtori i Përgjithshëm ngre një komision të përbërë nga tre anëtarë, Drejtori i Shërbimeve Mbështetëse të Institucionit, Drejtori i Degës ku lind vendi vakant, dhe anëtari i tretë caktohet rast pas rasti, një Drejtor Drejtorie në Drejtorinë e Përgjithshme, sipas profilit arsimor të kërkuar.
Komisioni shqyrton aplikimet sipas kritereve të përcaktuara më parë dhe përzgjedh jo më shumë se tre kandidatura që vlerësohen më të përshtatshme.
Drejtori i Përgjithshëm me metodën e intervistimit përzgjedh mes alternativave kandidaturën më të mirë.Kandidatura e përzgjedhur emërohet me urdhër të Drejtorit të Përgjithshëm me kontratë pune me afat të caktuar 3 mujor (kohë prove).