Workshop: Efiçenca energjisë në strehim për një zhvillim të qëndrueshëm

 

Workshop: Efiçenca energjisë në strehim për një zhvillim të qëndrueshëm

 

---

Seminari: Efiçenca e energjisë në strehim për një zhvillim të qëndrueshëm

Tiranë 7 – 8  Korrik, 2014, Hotel Rogner, Salla Apollonia

Background

Investimi në eficencën e energjisë në banesa përbën një kontribut të drejtëpërdrejtë në zhvillimin e qëndrueshëm në të tre komponentët e tij: në zhvillimin ekonomik, social dhe mjedisor. Investimet për rritjen e eficencës energjetike të banesave ekzistuese dhe ndërtimi i banesave të reja me teknologji dhe materiale që kursejnë energji, krijojnë vende pune dhe i japin shtysë ekonomisë. Për shembull, në Gjermani, çdo euro e investuar për efiçencën e energjisë në ndërtesa dhe programet e rinovimit i kthejnë shtetit 2-5 euro, kryesisht përmes krijimit të vendeve të punës. Investimet në fushën e eficencës së energjisë përbëjnë një mundësi për të menaxhuar krizat financiare dhe ndryshimet klimaterike. Përshtatja e banesave për shfrytëzimin efiçent të energjisë, sikundër edhe ndërtimi i shtëpive të reja duke shfrytëzuar teknologjitë për kursimin e energjisë, përbën përfitim të dyfishtë në shëndetin dhe të ardhurat e familjeve. Përveç përmirësimit të kushteve klimaterike,vlerësohet se çdo familje mund të kursejë 200-1000 € në vit.

Mungesa e njohurive në lidhje me çfarë mund të ofrojë sektori i banesave në fushën e efiçencës energjetike pengon investimet private dhe publike në këtë fushë. Një numër pengesash dëmtojnë gjithashtu aftësinë e sektorit për novacion, këtu përfshihen mungesa e një legjislacioni të përshtatshëm, barrierat organizative dhe ato teknologjike.

Nga ana tjetër, investime të tilla kanë nevojë për fuqizimin e organizatave të pronarëve të shtëpive. Megjithëse legjislacioni për menaxhimin e përbashkët të banesave në Shqipëri u hartua në 2009, provat për zbatimin e tij mungojnë.

Organizata të ndryshme – interesa të përbashkëta

Ministria e Energjitikës dhe Industrisë ka përgjegjësinë bazë për hartimin e politikave që stimulojnë uljen e konsumit të energjisë,përmes nxitjes së masave për efiçencë energjetike dhe burimeve të energjisë së rinovueshme. Për më tepër, Ministria është në procesin e harmonizimit të legjislacionit për efiçencën dhe performancën energjetike të ndërtesave, i cili do të jetë i aplikueshëm për ndërtesat e reja dhe rinovimin e egzistueseve.

Ministria e Zhvillimit Urban dhe Turizmit (MZhUT) ka në diskrecionin e saj zhvillimin e politikave për strehim të përballueshëm dhe të mjaftueshëm.

MZHUT së fundi ka aprovuar rregulloren për menaxhimin e kompanive dhe personave fizik, që do të nxisë krijimin e ndërmarrjeve të vogla dhe të mesme.

Që prej vitit 2007, Korporata Ndërkombëtare e Financimit (IFC), pjesë e grupit të Bankës Botërore, ka ndihmuar MZHUT për hartimin e kuadrit ligjor në menaxhimin e banesave. Më 2011, filloi puna e përbashkët për hartimin e një plan veprimi për efiçencën energjetike në sektorin e banesave, gjë që nuk u përfundua për arsye objektive.

Programi i Kombeve të Bashkuara për Zhvillim (UNDP) është angazhuar në çështjet e efiçencës energjetike përmes Nismës për Mjedisin dhe Varfërinë (UNDP-UNEP-PEI). Krijimi i mundësive për efiçencë energjetike në banesa është një prej prioriteteve të nismës në fjalë në Shqipëri. Enti Kombëtar i Banesave mbështetet nga UNDP për hartimin e projekteve për banesa me kosto të ulët dhe efiçencë energjetike.

Komisioni Ekonomik i Kombeve të Bashkuara për Evropën (KEKBE/UNECE) ka zhvilluar Planin e Veprimit për Banesa me Efiçencë të Energjisë në Rajonin eKomisionit Ekonomik të Kombeve të Bashkuara (UNECE), i cili ofron një listë masash të mundshme dhe komplekse për heqjen e barrierave për efiçencë energjetike, uljen e konsumit të energjisë deri në pikën zero dhe neutralizimin e karbonit në sektorin e strehimit. Komisioni Ekonomik i Kombeve të Bashkuara (UNECE) gjithashtu ka publikuar një udhëzim praktik mbi banesat me efiçencë energjie, “Banesat e Gjelbra: Drejt Efiçencës Energjetike në Banesa” dhe një përmbledhje, “Praktika të Mira për Banesat me Efiçencë në Energji në Rajonin e Komisionit Ekonomik të Kombeve të Bashkuara për Evropën (UNECE)”. Komisioni ka asistuar gjithashtu shtetet anëtare për hartimin e planeve kombëtare të veprimit dhe ka mbështetur seminare mbi efiçencën energjetike dhe menaxhimin e banesave.

Përmbajtja e seminarit

Qëllimi i seminarit është të ndërgjegjësojë aktorë të ndryshëm mbi përfitimet që ka biznesi, familjet, ekonomia dhe mjedisi nga banesat me eficencë energjetike, si dhe të promovojë zgjerimin e eficencës energjetike në ndërtimin e banesave të reja dhe rinovimin e ekzistueseve.

Objektivat e seminarit janë:

1. Të analizojë rolin e palëve të interesuara, angazhimin e tyre në fushën e legjislacionit, rregulloreve, normave dhe standardeve, financimit dhe zbatimit të projekteve në fushën e efiçencës energjetike dhe të krijojë një rrjet ekspertësh për bashkëpunim në të ardhmen;

 

1. Të identifikojë sfidat kryesore me të cilat ballafaqohen aktorët kyç në zbatimin e masave për efiçencën energjetike në përputhje me detyrimet e Bashkimit Evropian

1. Të nxjerrë në pah rëndësinë e menaxhimit të bashkëpronësive, të diskutojë mbi stimujt dhe detyrimet ligjore dhe financiare.

 

Organizatorë:

Ky seminar organizohet nga Qeveria Shqiptare, e përfaqësuar nga Ministria për Zhvillim Urban dhe Turizëm, Ministria e Energjisë dhe Industrisë dhe Enti Kombëtar i Banesave, në bashkëpunim me Korporatën Ndërkombëtare Financiare (IFC), Programin për Efiçencën e Energjisë në Banesa, Programin për Zhvillim të Kombeve të Bashkuara (PNUD) dhe Komisionin Ekonomik i Kombeve të Bashkuara për Evropën (UNECE).

Përfituesit:

Seminari është i hapur për të gjithë aktorët që kanë një rol në zgjerimin e masave për efiçencë energjetike në banesat e reja dhe ato egzistuese. Përfituesit e këtij seminari do të jenë sektori publik shqiptar që do të diskutojë sfidat në nivel politikash, ligjesh dhe rregulloresh; sektori privat drejtëpërdrejtë i interesuar në zbatimin e standardeve dhe rregullave për efiçencë energjetike; bankat që janë të interesuara për kreditimin e pronarëve që aplikojnë efiçencën energjetike; prodhuesit që janë të interesuar të zgjerojnë tregun e produkteve që mundësojnë efiçencën energjetike.

Pjesëmarrës:

Seminari është i hapur për ekspertë nga sektori publik që janë të përfshirë në politikëbërje, hartim legjislacioni, rregullore, norma dhe standarte, stimulim i biznesit privat, me interesa mbi produktet që mundësojnë efiçencën energjetike; përfaqësues të sektorit privat, financues dhe ndërtues, Universitete, Organizata Jo –  Fitimprurëse, përfaqësues të shoqatave të pronarëve të banesave, etj.

---

Programi i workshopit