info@ekb.gov.al

Tabelë e funksioneve, detyrave dhe kompetencave të drejtorive.


Drejtoria/Struktura	Emër Mbiemër	Detyrat funksionale
Drejtori i Përgjithshëm	Besmir Hysa	Përfaqëson EKB-në në të gjithë veprimtarinë e tij administrative dhe financiare. Në marrëdhëniet me institucionet e tjera, në marrëdhëniet me të tretët, promovon aktivitetin e EKB-së me kompetencë të plotë veprimi, me përjashtim të kompetencave që ligji ia ka ngarkuar Këshillit Drejtues.
Zv.Drejtori Përgjithshëm		Vepron për sigurimin dhe funksionimin me efikasitet të administratës së përgjithshme të Entit Kombëtar të Banesave. Kryen funksionet e Drejtorit të Përgjithshëm në rastet e mungesës, pamundësisë apo paaftësisë fizike për të vepruar, si organ administrativ individual.
Drejtoria Ekonomike	Teuta Pecollari	Harton programin ekonomik dhe financiar, propozon objektivat vjetor, për plotësimin e detyrave të programit ekonomik. Administron, ndjek dhe kontrollon realizimin sipas planit të të ardhurave, shpenzimeve, dhe të investimeve për Drejtorinë e Përgjithshme dhe degët rajonale. Përgjigjet për mbajtjen e kontabilitetit në programin elektronik financiar, të aktivitetit ekonomiko-financiar të EKB-së, në përputhje me legjislacionin në fuqi për kontabilitetin dhe pasqyrat financiare, dhe Standardet Kombëtare të Kontabilitetit të përmirësuara. Kryen analiza mbi veprimtarinë ekonomike dhe financiare, periodike dhe vjetore, mbi bazën e treguesve të bilanceve dhe të pasqyrave financiare.
Drejtoria Juridike	Iris Llagami	Sigurimi i asistencës ligjore dhe juridike brenda kuadrit ligjor në fuqi, për njohje më të mirë dhe interpretimin e legjislacionit nga struktura e EKB-së. Kontribuon në hartimin e akteve normative dhe udhëzimeve të brendshme, që rregullojnë veprimtarinë e EKB-së, në bashkëpunim me drejtoritë në Drejtorinë e Përgjithshme të EKB, në mbështetje të dispozitave ligjore në fuqi. Sektori i Prokurimeve është përgjegjës për koordinimin, mbarëvajtjen, ndjekjen dhe realizimin e procedurave të prokurimit publik, në zbatim të akteve ligjore dhe nënligjore në fuqi.
Drejtoria Teknike	Sokol Qehajaj	Drejtoria Teknike trajton probleme të sferës teknike të ndërtimit, është përgjegjëse për sigurimin e projekteve sipas normativave shtetërore dhe sigurimin e shesheve të ndërtimit në bashkëpunim me njësitë e vetëqeverisjes vendore. Ndjek dhe monitoron zbatimin e kontratave të sipërmarrjes/mbikëqyrjes. Përditëson në mënyrë të vazhdueshme metodologjinë e llogaritjes së kostos mesatare dhe vlerave mesatare të shitblerjes së apartamenteve në treg dhe propozon ndryshimet e nevojshme.
Drejtoria e Shitjes, Kredive, Koordinimit të Projekteve dhe Promocionit	Besjana Banushi	Drejtoria e shitjes, kredive, koordinimit të projekteve dhe promocionit harton dhe propozon objektivat vjetore për programin e shitjeve, arketimit nga shitja dhe ndjekjes së kredisë së klientëve, menaxhon punën për ndjekjen dhe arkëtimin e kësteve mujore të klientëve dhe debitorëve sipas Manualit “Politikat dhe Procedurat për Menaxhimin e Debitorëve”, ndjek dhe monitoron procesin e subvencionimit të interesave të kredive lehtesuese të akorduara nepërmjet buxhetit të shtetit, përgatit materiale informuese lidhur me aktivitetet dhe investimet e zhvilluara nga institucioni, të cilat publikohen në faqen zyrtare të EKB-së.
Drejtoria e Burimeve Njerëzore dhe e Shërbimeve Mbështetëse	Sisilia Ujka	Drejtoria e Burimeve Njerëzore dhe Shërbimeve Mbështetëse ka si qëllim të saj sigurimin e mbarëvajtjes së punës të EKB-së, me qëllim arritjen e objektivave, nëpërmjet koordinimit të veprimtarisë së drejtorive/sektorëve në Drejtorinë e Përgjithshme dhe degëve rajonale dhe zbatimin e detyrave që lidhen me përdorimin me efektivitet të burimeve njerëzore, logjistike, financiare dhe ligjore, në përputhje me legjislacionin në fuqi. Ndjek dhe zbaton dispozitat ligjore për miratimin e strukturës organike dhe numrin e punonjësve, gjithashtu, zbatimin e procedurave për plotësimin e vendeve vakante të punës.
Sektori Auditit	Elda Oshafi	Sektori i Auditimit realizon veprimtarinë e auditimit në Drejtorinë e Përgjithshme të EKB-së, si dhe në degët rajonale.

Back to Top