Lloji i kontratës: Kontratë pune me afat të pacaktuar
Titulli i pozicionit: Specialist
Drejtoria/ Zyra: Drejtoria Rajonale EKB Shkodër
Vendndodhja: Shkodër
Periudha e njoftimit: 15 ditë
Principet e Entit Kombëtar të Baneasve
Integritet, Profesionalizëm, Përgjegjshmëri, Respekt për Diversitetet
Informacion i përgjithshëm
Enti Kombëtar i Banesave është institucion me vetëfinancim, në varësi të Ministrisë së Zhvillimit Urban dhe Turizmit, i pajisur me personalitet juridik, i krijuar për një kohëzgjatje të pacaktuar me Vendim të Këshillit të Ministrave nr.198, datë 04.05.1993, “Për krijimin e Entit Kombëtar të Banesave”.
Përgjegjësitë e vendit të punës
Specialisti pranë Drejtorisë Rajonale ka një varësi direkte dhe raporton te Drejtori i Drejtorisë Rajonale.
Specialisti ka këto përgjegjësi:
- Plotëson dokumentacionin teknik të dosjeve.
- Llogarit normativat e strehimit.
- Kryen të gjitha procedurat për rregjistrimin e pronave në ZVRPP.
- Ndjek dhe mbikëqyr punimet e ndërtimit.
- Njofton organet e qeverisjes vendore për personat përgjegjës që do të kryejnë ndërtimin e objektit.
- Mban dhe përgjigjet për dokumentacionin e mëposhtëm:
- Aktin e dorëzimit të sheshit të ndërtimit shoqërisë sipërmarrëse.
- Aktin e dorëzimit nga sipërmarrësi të dokumentacionit teknik dhe administrative.
- Gjatë zbatimit të punimeve të objektit, jep instruksione dhe urdhëra me shkrim sipërmarrësit, sa herë është e nevojshme.
- Kontrollon cilësinë e materialeve që përdoren në objekt si dhe kryerjen e provave laboratorike kur e gjykon të nevojshme.
- Ndjek realizimin e planit të investimeve, cilësinë e objekteve dhe njofton investitorin për realizimin e tij.
- Merr pjesë në kolaudimin e punimeve të objektit.
- Miraton e firmos të gjitha situacionet e punimeve.
- Përgatit dokumentacionin për marrjen e lejes së shfrytëzimit si dhe hipotekimit të objektit.
- Ndjek banesat e marra në dorëzim nga Drejtoria teknike dhe përgatit dosjet individuale të shitjes për cdo përfitues.
- Sëbashku me specialistin e financës ndjekin kreditorët e parregullt dhe evidentojnë qytetarët që nuk kanë lidhur kontratat dhe arsyet e moslidhjes së tyre.
- Merr pjesë në grupe pune që ngrihen nga Drejtori i Përgjithshëm i EKB-së ose MZHUT për çështje që lidhen me evidentimin dhe vlerësimin e pronave.
- Merr pjesë në grupet që ngrihen për shpronësimet e objekteve, vlerësimin e dëmeve në rastet e fatëkqsive natyrore.
- Vendi i punës kërkon që specialisti të lëvizë me shërbime jashtë zyre dhe jashtë qyteti ku ndodhet Drejtoria Rajonale (afërsishtë 30% e kohës së punës).
Edukimi
Arsim i lartë 3+2, 4 vjecar i integruar ose i barazvlefshëm me to.
Inxhinier Ndërtimi, Jurist ose Ekonomist
Preferohet inxhinier ndërtimi
Eksperienca në punë
Të ketë eksperiencë pune jo më pak se 3 (tre) vite.
Gjuhët e huaja
Për këtë vend pune nuk kërkohet domosdoshmërisht njohja e një gjuhe të huaj.
Dokumentet
Aplikimet janë të vlefshme kur përmbajnë dokumentet e kërkuara nga punëdhënësi dhe që janë dërguar nëpërmjet postës elektronike në adresën zyrtare (info@ekb.gov.al) ose me anë të postës zyrtare (me protokoll).
Aplikimi përmban:
- Kërkesë për aplikim.
- Curriculum Vitae, sipas formatit tip (shkarko formularin
Ploteso Curriculum Vitae). - Diplomë e noterizuar, listë notash e noterizuar, kartë identiteti, dëshmi penaliteti, raport mjeko-ligjor.
- Dëshmi kualifikuese.
- Dy referenca nga punëdhësit e mëparshëm.
Mënyra e vlerësimit
Drejtori i Përgjithshëm ngre një komision të përbërë nga tre anëtarë, ku njëri është Drejtori i Drejtorisë ku është vendi vakant, një është Drejtori i Shërbimeve Mbështetëse dhe i treti zgjidhet sipas rastit. Komisioni shqyrton kandidaturat sipas kritereve të përcaktuara më parë dhe përzgjedh jo më shumë se tre kandidatura që vlerësohen më të përshtatshme.
Drejtori i Përgjithshëm me metodën e intervistimit përzgjedh mes alternativave kandidaturën më të mirë.
Kandidatura e përzgjedhur emërohet me urdhër të Drejtorit të Përgjithshëm me kontratë pune me afat të caktuar 3 mujor (kohë prove).