Një tjetër hap i rëndësishëm për Entin Kombëtar të Banesave.
EKB ka arritur marrëveshjen e bashkëpunimit me Bashkinë Gramsh për realizimin e projekteve që synojnë ndërtimin e banesave me kosto të ulët, në kuadër të programit të strehimit social. 
Kjo marrëveshje përfaqëson një angazhim të qartë institucional për të mbështetur qytetarët në nevojë dhe për të garantuar akses më të gjerë në strehim të përballueshëm.
Enti Kombëtar i Banesave mbetet i orientuar drejt politikave të zhvillimit social dhe projekteve që kontribuojnë në përmirësimin e kushteve të jetesës për komunitetet në të gjithë vendin.
Ky bashkëpunim shënon përparim në drejtim të forcimit të politikave të strehimit dhe krijimit të mundësive të reja për familjet që kërkojnë mbështetje.
