Në kuadër të vlerësimit të realizimeve për periudhën Janar – Qershor 2025, u zhvillua një mbledhje pune e zgjeruar, e kryesuar nga Drejtori i Përgjithshëm i EKB-së, z. Besmir Hysa, dhe me pjesmarrjen e drejtorëve të degëve rajonale të EKB-së dhe të drejtuesve të drejtorive dhe të sektorëve të EKB-së së përgjithshme.
Në fokus të mbledhjes ishin:
Ecuria e treguesve ekonomikë dhe financiarë sipas rajoneve
Realizimi i të ardhurave, investimeve, shitjeve dhe arkëtimeve
Ecuria e kontratave të reja dhe menaxhimi i portofolit të debitorëve
Identifikimi i problematikave specifike dhe adresimi i tyre me masa konkrete
U evidentuan tejkalime pozitive në disa tregues si dhe sfida në zbatimin e planifikimeve në disa njësi rajonale. Mbledhja shërbeu si moment koordinimi për vijimin e punës me fokus te eficienca dhe transparenca.
I pranishëm në këtë takim ishte edhe Zëvendësministri i Ekonomisë, Kulturës dhe Inovacionit, z. Enkelejd Musabelliu, i cili vlerësoi progresin e deritanishëm dhe shprehu mbështetjen për zbatimin e Strategjisë së Strehimit 2030.
Mbledhja ritheksoi angazhimin institucional për përmirësim të mëtejshëm dhe ofrim të shërbimeve cilësore për qytetarët.
